ठाणे ,पुणे येथील नवीन बांधकामांवरील स्थगिती उठवली
पिण्याच्या पाण्याची समस्या पहाता नवी बांधकामे करण्यास परवानगी देऊ नये, यासाठी न्यायालयात याचिका दाखल करण्यात आली होती. यावरील सुनावणी दरम्यान ठाणे व पुणे महापालिकांनी पाण्याची समस्या सोडवली असल्याचे प्रशासनाच्या वतीने सांगण्यात आले. यावर या विषयावर नवीन समिती स्थापन करून दर दोन महिन्यांनी या दोन्ही भागांतील पाणीपुरवठा व नवीन बांधकाम यांच्या नियोजनासंदर्भातील आढावा घेऊन अहवाल सादर करावा, असे आदेशही न्यायालयाने दिले.
शहरातील बांधकामे व गर्दी पहाता प्रशासनाकडून शहराला लागून दूरवर मोठमोठी गृहसंकुले व टोलेजंग इमारतींना परवानगी दिल्या जातात. मात्र त्या इमारतींना आवश्यक पाणीपुरवठा व अन्य सुविधा पुरवल्या जात नाहीत. याचा परिणाम शहरातील उर्वरित रहिवाशांवर होतो. याबाबत योग्य तो विचार करून यावर मर्यादा आणाव्यात, असे मतही न्यायालयाने व्यक्त केले.
