रणजी सामन्यात दुहेरी शतक
न्यूझीलंड विरुद्धच्या तीन एक वन डे सामन्यांच्या मालिकेसाठी टीम इंडियाची घोषणा करण्यात आली. सलामीवीर शिखर धवनचं भारतीय संघात पुनरागमन झालं आहे. मात्र, आर. अश्‍विन आणि रवींद्र जडेजाला संघातून पुन्हा एकदा डच्चू देण्यात आला. न्यूझीलंडविरुद्ध निवड न झाल्यानंतर जाडेजाची बॅट तळपली. त्याने दुहेरी शतक ठोकून निवडकर्त्यांचं लक्ष वेधून घेतलं आहे. सौराष्ट्रकडून खेळताना जाडेजाने 201 धावा केल्या. सौराष्ट्र विरुद्ध जम्मू काश्मीर सामन्यात दुसर्‍या दिवशी पहिल्या इनिंगमध्ये उपहारापर्यंत सौराष्ट्रची धावसंख्या 563-7 अशी होती.
