उच्च न्यायालयाने हनीप्रीतचा अटकपूर्व जामीन अर्ज फेटाळला
जीवाला धोका असल्यामुळे हनीप्रीत समोर येत नसल्याचं तिच्या वकिलांनी कोर्टात सांगितलं. त्यानंतर कोर्टाने हनीप्रीतला सुरक्षा पुरवण्याचं आश्‍वासन देण्याच्या अटीवर समोर येण्याचे आदेश दिले. हनीप्रीत येत्या दोन दिवसात समोर येण्याची शक्यता आहे. ‘माझ्या जीवाला धोका आहे. मी बालपणापासूनच डेर्‍याशी जोडली गेले आहे. राम रहीमची मुलगी असणं माझ्यासाठी भाग्याची गोष्ट आहे. हरियाणा पोलिसांनी माझं नाव वॉण्टेड लिस्टमध्ये टाकलं आहे.’ असं हनीप्रीतने तिच्या अटकपूर्व जामीन अर्जात म्हटलं आहे.
