राष्ट्रपती रामनाथ कोविंद यांच्या उपस्थितीत साई समाधी शताब्दी सोहळ्याचा प्रारंभ
साईबाबा समाधी शताब्दी सोहळ्याचा शुभारंभ 1 ऑक्टोबर रोजी राष्ट्रपती रामनाथ कोविंद यांच्या हस्ते होणार आहे.त्यापूर्वी रविवारी सकाळी 6 वाजता सजविलेल्या रथामधून साईबाबांची प्रतिमा व ध्वजस्तंभाच्या प्रतिकृतीची मिरवणुक काढण्यात येणार आहे.या मिरवणुकीत लेझिम पथक,ढोलपथका सहीत विविध देखावे सादर करण्यात येणार असून भाविक देखील मोठ्या संख्येने सहभागी होतील.साई समाधी शताब्दी च्या कालावधीत शिर्डीमध्ये विविध प्रकारच्या मोफत आरोग्य शिबिरांचे आयोजन केले जाणार असून त्यांचा शुभारंभ 1 ऑक्टोबर रोजी नेत्रदान शिबिराने केला जाणार आहे,असे अध्यक्ष डॉ.हावरे यांनी सांगितले.साई संस्थानचे उपाध्यक्ष चंद्रशेखर कदम,विश्‍वस्त बिपीन कोल्हे,भाऊसाहेब वाकचौरे,शिर्डीच्या नगराध्यक्षा योगिता शेळके,मुख्य कार्यकारी अधिकारी रूबल अग्रवाल आदि यावेळी उपस्थित होते.
