कांदा व्यापार्‍यांवर आयकर विभागाची धाड
नाशिक जिल्ह्यात आयकर विभागाच्या 120 अधिकार्‍यांच्या पथकाकडून 7 व्यापारी, 25 घरं, गोदामं आणि कार्यालयाची झाडाझडती सुरु आहे. साठेमारी करुन कांद्याचे दर वाढवणार्‍या व्यापार्‍यांना वेसण घालण्यासाठी ही कारवाई सुरु केल्याची माहिती आहे. या छापेमारीमुळे व्यापार्‍यांचं धाबं दणाणलं आहे. नाशिक जिल्ह्यातील कांदा लिलाव ठप्प झाले आहेत. पुढील दोन दिवस अशीच स्थिती राहण्याची शक्यता आहे आणि त्याचा परिणाम कांद्याच्या दरावर झाला आहे.
गेल्या काही दिवसात मुंबईत कांद्याने तिशी गाठली. पण शेतकर्‍यांना फक्त 15 रुपयांचा दर मिळायचा. मधलं कमिशन व्यापारी लाटायचे. साठेमारी करुन कांद्याचे दर वाढवण्यात व्यापार्‍यांचा हात असल्याचा आरोप आहे. ज्याचं सत्य आयकरच्या छापेमारीतून बाहेर यायला हवं.
