पनवेल महापालिकेतर्फे अधिकार्‍यांनी राबविली स्वच्छता मोहीम
स्वच्छ भारत अभियानांतर्गत प्रधानमंत्री नरेंद्र मोदी यांनी स्वच्छता हीच सेवा या मोहिमेसाठी पंधरवडा जाहीर केला आहे. ही मोहीम 2 ऑक्टोबर पर्यंत म्हणजे राष्ट्रपिता महात्मा गांधी यांच्या जयंतीदिनापर्यंत चालणार आहे. या स्वच्छता अभियानाच्या निमित्ताने प्रत्येकाने कचरा करायचानाही असे ठरवून आपले शहर स्वच्छ व सुंदर कसे होईल यासाठी प्रयत्न करायचा आहे तसेच सर्वांनी यात सहभागी व्हावे असे आवाहन पनवेल महानगरपालिकेने केले होते. केवळ आवाहन करून शांत न बसता स्वतः महापालिका प्रशासन हातात झाडू घेऊन रस्त्यावर उतरले आहे. 24 सप्टेंबर 2017 रोजी पनवेल महानगरपालिका स्वयंसेवी संस्थांना घेऊन महास्वच्छता अभियान राबविणार आहे.
