महापौर चषक आंतरराष्ट्रीय कुस्ती स्पर्धा 2017
महापौरचषक आंतरराष्ट्रीय कुस्ती स्पर्धा माहे ऑक्टोबर- 2017 मध्ये भोसरी येथील कै. अंकुशराव लांडगे नाट्यगृहा शेजारील मोकळे मैदान येथे घेण्याचे नियोजन करण्यात आले आहे. या स्पर्धेमध्ये आंतराष्ट्रीय, देश व राज्यपातळीवरील नामांकित कुस्तीगिरांसह महाराष्ट्रातील नामांकित कुस्तीगीर सहभागी होणार आहेत. यावेळी महापौर चषक आंतरराष्ट्रीय कुस्ती स्पर्धा-2017 च्या अनुषंगाने येणारा स्थापत्य, विद्युत विषयक खर्चासहित स्पर्धेचे अंदाजपत्रक तयार करणेकामी तसेच महापौर चषक व्हॉलीबॉल, कबड्डी, क्रिकेट या स्पर्धांचे अंदाजपत्रकही संबधित संघटनेकडून मागवून घेणेकामी महापौरांनी संबंधितांना सूचना दिल्या. तसेच राष्ट्रीय स्तरावर अर्धमॅरेथॉन स्पर्धा आयोजना कामी संबंधित संघटनेची लवकरच बैठक घेण्यात येणार असल्याचे यावेळी महापौर नितीन काळजे यांनी सांगितले.
