शिवसेना आक्रमक, कर्नाटकच्या बसवर ’जय महाराष्ट्र’चे स्टिकर्स
कर्नाटक व सीमाभागात जय महाराष्ट्र’ बोलण्यास बंदी घालण्याचं वक्तव्य काल सोमवारी बेग यांनी केलं होतं. या वक्तव्यानंतर आक्रमक झालेल्या शिवसैनिकांनी आज कोल्हापूरमध्ये आंदोलन केलं. कर्नाटक सरकारने सीमाभागातील लोकांवर अत्याचार केले आहेत. केंद्र सरकार, राज्य सरकारने यात तोडगा काढायला हवा होता. मात्र, यावर कोणतीही भूमिका घेतली जात नाही. त्यामुळेच वारंवार असे हुकूमशाही पध्दतीचे फतवे काढण्याचे काम कर्नाटक सरकारकडून केले जात आहे. असं आंदोलक शिवसैनिकांनी म्हटलं आहे.
