ललित मोदीचा महेंद्रसिंह धोनीबाबत मोठा खुलासा
धोनी टीम इंडियाचा ग्रेड-ए मधील खेळाडू आहे. लेटरहेडमधील पगार आणि त्याची एकूण कमाई यात बरीच तफावत आहे. पगाराच्या तुलनेनं त्याची कमाई अनेक पटीनं जास्त आहे. असं ललित मोदीचं म्हणणं आहे.
ललित मोदीच्या मते, ‘धोनी 100 कोटी दरवर्षी कमावतो. अशावेळी श्रीनिवासनचा कर्मचारी होण्यास तो कसा काय तयार झाला? पैज लावा त्याचे असे अनेक करार असतील.’ असा दावा ललित मोदीने केला आहे. यासोबतच त्याने एन. श्रीनिवासन, राजीव शुक्ला आणि केंद्रीय मंत्री अरुण जेटली यांच्यावरही निशाणा साधला आहे. श्रीनिवासननं आयपीएल दरम्यान, चेन्नई सुपर किंग्सला फायदा पोहचवल्याचा आरोपही ललित मोदीनं केला आहे.
