बुलडाणा, दि. 20 - प्रजापिता ब्रह्माकुमारी ईश्‍वरीय विश्‍वविद्यालय अकोला द्वारे महानगरात एक शाम शिव परमात्मा के नाम या भव्य संगीत संध्येचे आयोजन करण्यात आले आहे. स्थानीय केशव नगर परिसरातील जानोरकर मंगल कार्यालयात शनिवार दि.22 एप्रिल रोजी सायंकाळी 6-30 वा. आयोजित या संगीत संध्या कार्यक्रमात ब्रह्माकुमारीज माउंट आबू चे संगीतकार राजयोगी ब्र.सतीशभाई हे भारताचा प्राचीन सहज राजयोग यावर विचार व्यक्त करणार आहेत .या कार्यक्रमानंतर ब्रह्माकुमारीज माउंट आबू चे प्रसिद्ध गायक राजयोगी नितीनभाई हे आपल्या संगीमय ताफ्यासमवेत संगीत संध्या सादर करणार आहेत. ब्रह्माकुमारीजच्या अकोला-वाशीम प्रभारी रुक्मिणी दीदी यांच्या अध्यक्षतेत संपन्न होणार्‍या या सोहळ्यात प्रमुख पाहुणे म्हणून महापौर विजय अग्रवाल,उपमहापौर वैशाली शेळके, गांवांत जानोरकर,माजी महापौर सुमनताई गावंडे, नगरसेवक विनोद मापारी, मंगेश काळे,विजय इंगळे आदी मान्यवर उपस्थित राहणार आहेत .
ब्रह्माकुमारीजच्या वतीने महानगरातील सर्व ब्रह्माकुमारीजच्या शाखेत आगामी दि 23 एप्रिल ते 27 एप्रिल पर्यंत सकाळी 8 ते सकाळी 9 व साय.5-30 ते साय. साय.6-30 वा.पर्यंत अध्यात्मिक ध्यान व राजयोग शिबिराचे आयोजन करण्यात आले आहे.या शिबीर व संगीत संध्येचा सर्व नागरिक महिला -पुरुषांनी मोठ्या संख्येने लाभ घेण्याचे आहवान ब्रह्माकुमारीज गांधी रोड,कीर्ती नगर,रामदास पेठ ,भारतीप्लॉट जुने शहर, पोस्टल कालोनी मलकापूर शाखेच्या वतीने करण्यात आले आहे.
