बुलडाणा, दि. 20 - स्थानिक शेगांव लायनेस क्लब ला औरगांबाद येथे तेजोमय लायनेस डिस्ट्रीक्ट सन्मान समारोहात सन्मानित करण्यात आले. या सोहळयात प्रातांतील विविध शहरांचे लायनेस सदस्य व पदाधिकारी उपस्थित होते. यावेळी लायनेस सदस्यांसाठी गुढी सजावट, कैरी व्यंजन, महाराष्ट्र वेशभुषा अशा विविध स्पर्धा ठेवण्यात आल्या होत्या. संपुर्ण जिल्हयातुन बॅनर प्रेझेंटेशनमध्ये शेगांव लायनेस क्लबला प्रथम क्रमांकाचे पारीतोषक व सन्मानचिन्ह देण्यात आले. लायनेस इंटरनॅशनल क्लब तर्फे प्रविण अग्रवाल यांच्या हस्ते डॉ. पल्लवी बानोले यांना उत्कृष्ट अध्यक्षाबद्दल रजत सन्मानचिन्ह देवून गौरविण्यात आले. तसेच प्रांतअध्यक्षा डॉ. तेजल चौधरी यांच्या हस्ते सुध्दा समृध्द अध्यक्षाचे सन्मानचिन्ह देण्यात आले. शेगांव लायनेस क्लब सचिव प्रिती कुळकर्णी यांना सुध्दा सिध्द हस्त सचिव सन्मानचिन्ह देण्यात आले. तसेच संपुर्ण प्रांतात अन्नदान या उपक्रमाबद्दल विशेष कॅबिनेट ऑफीसर गिता काशेलानी यांना व्दितीय पारितोषिक मिळाले. त्याचप्रमाणो उत्कृष्ट जागतिक महिला दिन, उत्कृष्टा महाराष्ट्रीयन वेषभुषा यामध्येही डॉ. पल्लवी बानोले यांना व्दितीय पारितोषिक मिळाले.
