मुंबई, दि. 25 - क्रिकेटपटू झहीर खान लवकरच विवाहबंधनात अडकणार आहे. अभिनेत्री सागरिका घाटगेसोबत साखरपुडा झाल्याचं झहीरनं ट्विट केलं. झहीरनं दोघांचा अंगठी घातलेला फोटोही ट्विटरवरुन शेअर केला आहे. चक दे इंडियात सागरिकानं क्रिकेटरच्या प्रेयसीची भूमिका निभावली होती. आता खर्‍याखुर्‍या आयुष्यातही क्रिकेटपटू झहीर खानसोबत सागरिका एन्गेज झाली आहे. तुमच्या पत्नीच्या पसंतीवर कधीही हसू नका, तुम्ही तिच्या निवडीपैकीच एक आहात. पार्टनर फॉर लाईफ, एन्गेज्ड सागरिका घाटगे, असं ट्विटमध्ये झहीरनं म्हटलं आहे. क्रिकेटर युवराज सिंह आणि अभिनेत्री-मॉडेल हेजल कीच यांच्या लग्नातही फक्त विराट-अनुष्काच आकर्षणाचं केंद्र नव्हते, तर झहीर खान आणि सागरिका घाटगेवर सर्वांचं लक्ष होतं.
