महापौर बनण्याआधीच नितीन काळजे यांच्या नगरसेवकपदाव टांगती तलवार
नितीन काळजे यांनी ओबीसी जागेवर निवडणूक लढवताना, कुणबी ओबीसीचं बनावट जात प्रमाणपत्र सादर केल्याचा आरोप, राष्ट्रवादीचे पराभूत उमेदवार घनश्याम खेडकर यांनी केला आहे. तसंच यासंदर्भात खेडकर यांनी हायकोर्टात याचिकाही दाखल केली आहे. महापौरपद ओबीसी प्रवर्गासाठी राखीव असल्याने नितीन काळजे यांचा अर्ज बाद करण्याची मागणीही घनश्याम खेडकर यांनी केली आहे. बहुमत असल्याने भाजपचे नितीन काळजे महापौर होतीलही, मात्र आरोप सिद्ध झाल्यास महापौर होण्याचं त्यांचं स्वप्न भंग होऊ शकतं. दुसरीकडे नितीन काळजे यांनी घनश्याम खेडकर यांचे सर्व आरोप फेटाळले आहेत. मात्र भाजपचा पहिला महापौर बनून इतिहास घडवण्यापूर्वीच नितीन काळजेंना हे विघ्न पार करावे लागणार आहे.
