आमदारांचं निलंबन मागे घेण्यासाठी आता शिवसेना मैदानात !
काँग्रेस आणि राष्ट्रवादी काँग्रेसच्या 19 आमदारांच्या निलंबनाच्या मुद्द्यावर सभागृहात काय भूमिका घ्यायची, यावर चर्चा करण्यासाठी शिवसेनेच्या सर्व आमदारांची बैठक पार पडली.
काँग्रेस-राष्ट्रवादीच्या 19 आमदारांचं निलंबन मागे घेण्यासाठी मुख्यमंत्र्यांकडे मागणी करण्यावर शिवसेना आमदारांच्या बैठकीत चर्चा झाली. मात्र, शिवसेना पक्षप्रमुख उद्धव ठाकरे यांचा आदेश आल्यानंतरच शिवसेनेचे सर्व आमदार मुख्यमंत्र्यांना भेटून 19 आमदारांचं निलंबन मागे घ्या, अशी मागणी करण्याची शक्यता आहे. सभागृहात गोंधळ घालणे, बॅनर फडकावणे, घोषणाबाजी करणे, अवमान करणे, अर्थसंकल्पाच्या प्रती जाळणे, सभागृहाची प्रतिमा मलिन करणे, सभागृहाचे अवमान करणे असे आरोप ठेवून 19 आमदारांचं निलंबन करण्यात आलं.
