भाजपचे एन.बिरेन सिंह मणिपूरच्या मुख्यमंत्रीपदी विराजमान
मणिपूर विधानसभेत एकूण 60 जागा असून, नुकत्याच झालेल्या विधानसभा निवडणुकीत काँग्रेसने 28 जागांवर विजय मिळवून नंबर एकचा पक्ष ठरला. तर भाजपने एकूण 21 जागांवरच विजय मिळवला होता. भाजपकडे बहुमतचा आकडा ही नसताना, पक्षा नेत्यांनी आपल्याला एकूण 32 आमदारांचे समर्थन असल्याचा दावा केला आहे. भाजपच्या 21 आमदारांसह नॅशनल पीपल्स पार्टी (एनपीपी)चे चार, नागा पीपल्स फ्रंटचे चार, एलजेपीचा एक आणि इतर दोन आमदरांचे मिळून 32 आमदारांचे समर्थन असल्याचा पक्षाचा दावा आहे. त्यामुळे गोव्यानंतर मणिपूर हे असे राज्य ठरले आहे, जिथे बहुमत नसतानाही भाजपने मणिपूरमध्ये सरकार स्थापन केलं आहे.
