गोवा-मुंबई विमान धावपट्टीवरुन घसरलं, सुदैवाने अपघात टळला
या विमानातून एकूण 154 जण प्रवास करत होते. त्यापैकी 8 ते 10 जणांना किरकोळ इजा झाल्याची माहिती आहे. या अपघातानंतर आधी दुपारी साडेबारा पर्यंत धावपट्टी बंद करण्याचा निर्णय घेतला गेला होता. मात्र, अपघातग्रस्त विमान हटवलं गेल्याने धावपट्टी आता सुरु करण्यात आली आहे. विमानातील काही तांत्रिक कारणामुळे विमान धावपट्टीवरुन घसरलं. ‘9 2374’ असं या जेट एअरवेजच्या या विमानाचं नाव आहे. या विमानात 154 प्रवासी आणि 7 क्रू मेंबर होते. मुंबईच्या दिशेने प्रवासासाठी उड्डाण घेत असताना विमान धावपट्टीवरुन घसरलं.
सर्व प्रवासी आणि कर्मचारी सुखरुप आहेत. काही प्रवाशांना अगदी किरकोळ जखम झाली आहे. वैद्यकीय मदत घटनास्थळी पोहोचली असून, जेट एअरवेजची संपूर्ण टीम आणि दाभोळी विमानतळ प्रशासन सर्वतोपरी मदत करत आहे, अशी माहिती जेट एअरवेजकडून देण्यात आली आहे.
