शहरासह उपनगरात चोरट्यांचा धुमाकुळ
। दुचाकी चोरणारी टोळी पुन्हा सक्रिय? । पादचार्यांचे पैसे हिसकावण्याच्या प्रकारांमध्ये वाढ । पोलिस अधिक्षकांचे बदल्यांमुळे दुर्लक्ष?
दुचाकी चोरांनी पादचार्याचे साडेनऊ लाख लांबविले ः सावेडी येथील कोनार्क अपार्टमेंट येथे उदय शिवाजी काकडे यांच्या कार्यालयाच्या दरवाजाचे कुलूप तोडून चोरांनी 43 हजार 500 रुपयांचे साहित्य चोरून नेले. उदय काकडे (रा. पाइपलाइन रोड, नगर) यांचे सावेडी येथे कोनार्क अपार्टमेंट येथे कार्यालय आहे. या कार्यालयाचे कुलूप तोडून चोरांनी आत प्रवेश केला. चोरांनी कार्यालयातील साहित्याची उचकापाचक केली. त्यानंतर कार्यालयात असलेला लॅपटॉप, डिजिटल कॅमेरा, आयफोन, हार्डडिक्स असे साहित्य चोरले. त्यानंतर चोर कार्यालयाचा दरवाजा तसाच ठेवून निघून गेले. चोर हे वाहनातून पसार झाल्याचा पोलिसांना संशय आहे. त्यानुसार तोफखाना पोलिस तपास करत आहेत.
औरंगाबाद रोडवर मद्य विक्रीच्या दुकानात साडेचार लाखांची घरफोडी ः औरंगाबाद रोडवरील एका मद्य विक्रीच्या दुकानातील कामगाराने 4 लाख 47 हजार 506 रुपये ट्रेडर्सवाल्यांना न देता चोरी केले. मोहन निमसे यांच्या फिर्यादीवरुन तोफखाना पोलिसांनी बबन बाबुराव जाधव याच्याविरुद्ध गुन्ह्याची नोंद केली आहे. नगर-औरंगाबाद रोडवर हॉटेल गारवाच्या मागे मोहन निमसे (रा. शेंडी) यांची कुमार बिअर शॉपीचे दुकान आहे. बबन बाबुराव जाधव (रा. सनी पॅलेस हॉटेलमागे, नगर) हा कामाला आहे. बबन जाधव याने गेल्या दीड महिन्यापासून व्यवहाराची रोकड 4 लाख 47 हजार 506 रुपये ट्रेडर्स वाल्यांना न देता चोरली आहे, असे निमसे यांनी फिर्यादीत म्हटले आहे.
पदचार्याचे पैसे हिसकावले ःस्टेशन रस्त्यावरील बसस्थानक परिसरात रस्त्याने जाणार्या पादचार्याला मोटार सायकलवरून आलेल्या दोघांनी धक्का देत नऊ लाख 72 हजार रुपायांची रोकड लांबवली. कोतवाली पोलीस ठाण्यात याबाबत गुन्ह्याची नोंद करण्यात आली आहे.
