शेन वॉटसनची आंतरराष्ट्रीय क्रिकेटमधून निवृत्तीची घोषणा

मुंबई, 25 - ऑस्ट्रेलियाचा अष्टपैलू शेन वॉटसनने आंतरराष्ट्रीय क्रिकेटमधून कायमचे निवृत्त होण्याचा निर्णय घेतला आहे. ट्वेन्टी ट्वेन्टी विश्‍वचषकानंतर वाॅटसन आंतरराष्ट्रीय क्रिकेटमधून निवृत्त होईल. मोहालीत सरावाआधी शेन वॉटसनने आपल्या सहकार्‍यांसमोर निवृत्तीची घोषणा केली. 

शेन वॉटसनने गेल्या वर्षी झालेल्या अ‍ॅशेस मालिकेनंतर कसोटी क्रिकेटमधून निवृत्ती स्वीकारली होती. तसेच गेल्या सप्टेंबरपासून वॉटसनच्या वन डे सामन्यांच्या कारकीर्दीलाही पूर्णविराम मिळाला आहे. शेन वॉटसनच्या नावावर 59 कसोटी सामन्यांमध्ये 3731 धावा जमा आहेत. त्याने 90 वन डे सामन्यांमध्ये 5757 धावा केल्या आहेत.