चांगल्या बोलण्यातून परमार्थ घडतो : हभप कदम

।संगमनेर/प्रतिनिधी।

जीवनात माणसाचा कोणत्या ना कोणत्या प्रकारे नेहमी सवांद होत असतो. त्यामुळे कायम चांगले बोला आणि या चांगल्या बोलण्यातूनच खऱ्या अर्थाने परमार्थ घडत असतो, असा मोलाचा संदेश आळंदी येथील वारकरी शिक्षण संस्थेतील किर्तनकार हभप ज्ञानेश्वर माऊली महाराज कदम यांनी दिला.

तालुक्यातील पिंपळगाव देपा येथे सुरू असलेल्या स्वामी गगनगिरी महाराज अखंड हरिनाम सप्ताहातील किर्तनसेवेचे दुसरे पुष्प गुंफताना ते बोलत होते. यावेळी स्वामी गगनगिरी महाराजांचे नातू बापूसाहेब पाटणकर व त्यांच्या पत्नी पाटणकर, सप्ताह कमिटीचे अध्यक्ष दिलीपराव शिंदे, आबासाहेब थोरात, संजय महाराज देशमुख, कुसुम पवार, मंगला शिंदे, बाळासाहेब खेमनर, किरपाल डंग, कपिल पवार, प्रमोद देशमुख, दादाभाऊ वर्पे, मनीष माळवे, किरण नवनाथ वर्पे आदी उपस्थित होते.