प्रवरेत दमदार पावसाचे आगमन

लोणी/ प्रतिनिधी

प्रवरा परिसरात शुक्रवारी {दि. ८ } वादळी पावसाने दमदार हजेरी लावली. यामुळे शेरतकऱ्यांसह सर्वांनाच मोठा दिलासा मिळाला. प्रवरा परिसरासह लोणी, बाभळेश्वर, दाढ बु।।, दुर्गापूर, हसनापूर, राजुरी आदी भागात वादळी वा-यासह पाऊस झाला.

या पावसाने कपाशी, ऊस आदी चारा पिकांना जीवदान मिळाले. खरिप पिकांच्या पेरणीसाठी हा पाऊस महत्वपूर्ण नसला तरी पेरणीसाठी अजून मोठ्या पावसांची गरज आहे. आजपासूनच मृग नक्षत्र सुरु झाले आहे. मृगाचा पहिलाच दमदार पाऊस पडल्याने यावर्षी पाऊस चांगला होईल, असे अंदाज व्यक्त केले जात आहेत.