मालमोटारींच्या अपघातात दोन ठार

कोपरगाव ता. प्रतिनिधी

तालुक्यातून असलेल्या नागपूर-मुंबई दृतगती महामार्गालगतच्या संवत्सर गावाजवळील गोदावरी नदीच्या पुलावर मालवाहू मालमोटारींचा आज {दि. ८ } सकाळी अपघात झाला. समोरासमोर झालेल्या या अपघातात औरंगाबाद येथील चालक अन्वर (वय- ४२ ) आणि क्लिनर ओबामा (वय- २२) हे ठार झाले.

औरंगाबादकडून नाशिककडे जाणारी मालमोटारीचा { क्र. युपी ६३- १५१५} यातील चालक गंभीर जखमी झाला.  या दोन वाहनांची समोरासमोर धडक झाल्याने या मार्गावरील वाहतूक सुमारे तीन तास खोळंबली होती. ओव्हरटेक करण्याच्या नादात हा अपघात झाला असावा, असा प्राथमिक अंदाज आहे. याप्रकरणी कोपरगांव ग्रामीण पोलिस ठाण्यात गुन्हा नोंदविण्यात आला. या महामार्गाची थातूरमातूर डागडुजी करण्यात आली आहे. या रस्त्यावर मोठया प्रमाणात खडडे आहेत. हे खड्डे चुकविण्यासाठी या महामार्गावर सातत्याने अपघात होत आहेत.