राशिनला आबासाहेब जोगदंड यांचा सेवापूर्ती समारंभ

कर्जत तालुक्यातील राशिनच्या श्री. जगदंबा विद्यालयातील ज्येष्ठ शिक्षक आबासाहेब जोगदंड यांचा सेवापूर्ती समारंभ उत्साहात पार पडला. रयत शिक्षण संस्थेचे मॅनेजिंग कौंसिल सदस्य राजेंद्र फाळके यांच्या अध्यक्षतेखाली कार्यक्रम झाला. रयत शिक्षण संस्थेच्या उत्तर विभागाचे सहायक विभागीय अधिकारी खंडेराव शेंडगे यांच्या हस्ते दीपप्रज्वलन करण्यात आले. प्रास्ताविकातुन प्राचार्य दिलीप खंडागळे यांनी आपल्या भावना व्यक्त केल्या.उपस्थित मान्यवरांच्या हस्ते आबासाहेब जोगदंड व त्यांच्या पत्नी ज्योत्स्ना जोगदंड यांचा पूर्ण पोषाख व श्री जगदंबा देवीची प्रतिमा भेट देवुन सत्कार करण्यात आला. विद्यार्थीनी पुजा मोहीते, शिक्षक प्रतिनिधी कृष्णा राठोड यांचे भाषण झाले. सत्काराला उत्तर देताना जोगदंड यांनी आपल्या मनोगतात राशिनच्या 18 वर्षाच्या सेवेतील विविध अनुभव कथन करीत ग्रामस्थांबाबतचे ऋणानुबंध व्यक्त केले.राजेंद्र फाळके यांनी अध्यक्षीय भाषणातुन जोगदंड यांच्या अंगी असलेल्या नम्रता व सतत हसतमुख राहण्याच्या गुणांचे कौतुक केले.कार्यक्रमासाठी स्थानिक स्कूल कमिटीचे सदस्य शहाजी राजेभोसले, विकास मोढळे, रामकिसन साळवे, दादासाहेब कानगुडे, माजी मुख्याध्यापक आदिनाथ कानगुडे, माजी सहशिक्षक, आजी माजी विद्यार्थी, ग्रामस्थ, नातेवाईक मोठ्या संख्येने उपस्थित होते. सूत्रसंचालन सचिन डमरे व संतोष कोकाटे यांनी केले. पर्यवेक्षक हनुमंत लोंढे यांनी आभार मानले.