औरंगाबादमध्ये कच-यामुळे नागरिक हैराण

औरंगाबाद - गेल्या 13 दिवसांपासून शहरातून कचरा न उचलल्यामुळे कच-यातून मोठ्या प्रमाणावर दुर्गंधी येत आहे. यामुळे औरंगाबादकरांच्या आरोग्याचा प्रश्‍न निर्माण झाला आहे. औरंगाबादपासून 15 किलोमीटरवर असलेल्या नारेगावच्या कचरा डेपोत सध्या कचरा टाकला जातो. मात्र, तिथल्या ग्रामस्थांनी कचरा टाकण्यास विरोध के ल्याने मोठा प्रश्‍न उपस्थित झाला आहे. कचर्‍यावर कुठलीही प्रक्रिया होत नाही किंवा कच-याची विल्हेवाट नीट लावली जात नसल्याने घाणीचे साम्राज्य वाढल्याचा आरोप ग्रामस्थांनी केला आहे.