बघायला गेले मुलगी आणि लग्नच करून आले घरी !

नेवासा/तालुका प्रतिनिधी/- बघायला गेले मुलगी आणि लग्नच करून आले घरी  अशी घटना झट मंगनी पट शादी या म्हणीला सुद्धा फाटा देत एका लग्नाची गोष्ट तालुक्यात झाली.  तालुक्यातील बेलपिंपळगाव येथील कै विश्वनाथ शिंदे यांचे नातू व कै रवींद्र शिंदे यांचे द्वितीय चिरंजीव कु राहुल शिंदे या करता मुलगी बघण्याचे सुरू होते. अश्यातच पैठण तालुक्यातील कडेठान येथील भास्करराव झिरपे यांच्या द्वितीय मुलीची सोयरीक आली रीतिरिवाज प्रमाणे मुलगा, मुलगी पसंती झाली आणि 21 जानेवारी रोजी बेलपिंपळगाव येथील मुलाचे चुलते माजी सभापती दिगंबर शिंदे , हनुमान पतसंस्था चेअरमन कल्याण शिंदे , रमेश शिंदे , किरण शिंदे हे आपल्या नातलगसह लग्नाचं ठरवायला कडेठाण येथे गेले. बोलणी सुरू झाली होती आणि अचानकपणे दिगंबर शिंदे यांनी प्रस्ताव मांडला की, सगळ्या रितीरिवाजला फाटा देत आपण आजच लग्न समारंभ संपन्न केला तर छान होईल. असा प्रस्ताव मांडला. दोन्ही कडून लग्नाला होकार मिळाला मग काय सुरू झाली ती लग्न घाई 
नवरदेव मुलगा बेलपिंपळगाव या ठिकाणी होता त्याला फोन वरून सगळी माहिती दिली नवरदेव त्या लग्न मंडपात येण्यापूर्वी पाहुण्यांनी सगळी तयारी करून ठेवली होती ,आज काल मुलाचं असो वा मुलीच असो प्रत्येकाला वाटत आपल्या दारात लग्न मोठ्या थाटामाटात व्हावं पण आज काल असेही काही उच्च शिक्षित तरुण, तरुणी आहे की सगळ्या खर्चला फाटा देऊन सध्या पद्धतीने लग्न करतात लग्नात अनाठायी खर्च केला जातो. सत्कार समारंभ यावर मोठा खर्च होतो. मानपान या सगळ्या गोष्टीला फाटा देत अत्यंत साध्या पध्दतीने लग्न करून शिक्षित कुटुंबानं चांगला आदर्श समाजापुढे ठेवला. 

चि. राहुल शिंदे (m.com)व चि. सौ. का. शितल झिरपे(msc) यांचा विवाह सोहळा साध्या पद्धतीने रात्री संपन्न झाला या वेळी उपस्थित असणाऱ्या सर्व नागरिक, पाहुणे, मित्र मंडळ यांनी या नवं वधुवर यांचे अभिनंदन केले व समाजापुढे नवा आदर्श निर्माण केला की, उच्च शिक्षणचा फायदा नोकरीत ,व्यवसाय, याच बरोबर आपल्या जीवनात देखील कसा फायदा होईल यावर लक्ष वेधले.