लग्नाच्या वर्हाडाला अपघात 2 ठार
नाशिक :- मुंबई-आग्रा रस्त्यावर वाडीव-हे गावाजवळच्या वालदेवी पुलाच्या पुढे लग्नाचे वर्हाड घेऊन जाणार्या वाहनाला अपघात झाल्याची घटना घडली आहे. या अपघातात दोघांचा मृत्यू झाला तर 30 पेक्षा अधिक वर्हाडी जखमी झाले आहेत.
सर्व जखमींना नाशिकच्या जिल्हा रुग्णालयात दाखल करण्यात आले आहे.दुपारी 12 वाजेच्या सुमारास नाशिकमधील पाथर्डीफाटा येथून लग्नाचे व-हाड मुंबई आग्रा रस्त्याने अस्वली स्टेशन येथे जात होते. वाडीवर्हे गावाजवळील वालदेवी पुलानजीक वर्हाडाचा टेम्पो (क्रमांक एम एच 15 डिके 2090) अपघातग्रस्त झाला. या अपघातात दोघांचा मृत्यू झाल्याची प्राथमिक माहिती मिळाली असून यात एक लहान बालकाचा समावेश असल्याचे समजते. तर इतर 30 पेक्षा अधिक वर्हाडी जखमी झाले आहेत. सर्व जखमींना नाशिकच्या जिल्हा शासकीय रुग्णालयात दाखल करण्यात आले असून त्यांच्यावर उपचार सुरु आहेत.
