लाचखोर पोलिस अधिकारी निलंबित

औरंगाबाद, दि. 15, ऑक्टोबर - गुन्हा दाखल न करण्यासाठी लाच घेताना पकडल्या गेलेल्या पोलिस अधिकार्याला पोलिस आयुक्तांनी तडकाफडकी निलंबित केले आहे. गुन्हा दाखल न 35 हजार रुपयांची लाच घेताना एसीबीने बेगमपुरा ठाण्याचे निरीक्षक वसीम हाश्मी यांना रंगेेहाथ पकडले होते. शुक्रवारी सायंकाळी न्यायालयाने त्यांना 16 ऑक्टोबरपर्यंत पोलीस कोठडी ठोठावली आहे. या कारवाईची माहिती एसीबीच्या औरंगाबाद परिक्षेत्राचे अधीक्षक श्रीकांत परोपकारी यांनी दुस-याच दिवशी दुपारी पोलीस आयुक्तांना दिली होती.
शिवाय सायंकाळी एसीबी कार्यालयाकडून सविस्तर अहवाल पोलीस आयुक्तालयाला पाठविण्यात आला.हा अहवाल प्राप्त होताच पोलीस आयुक्त यशस्वी यादव यांनी पोलीस निरीक्षक हाश्मी यांच्यावर रात्री उशिरा निलंबनाचे आदेश जारी केले.