केंद्रातील नरेंद्र मोंदीचे हुकूमशाही सरकार बदलण्याची गरज : अॅड.प्रकाश आंबेडकर
कार्यक्रमादरम्यान भारतीय बौद्ध महासभेच्या व भारिप बहुजन महासंघ यांच्यावतीने अॅड.प्रकाश आंबेडकर यांचा मोठया गुलाबपुष्पाचा हार देऊन सत्कार करण्यात आला. बुलडाणा नगराध्यक्षा नजमुन्नीसा मो. सज्जाद यांनी आपल्या खास शैलीमधून शेरो शायरीने भाषणातून उपस्थितांची वाहवा मिळविली. त्यानंतर डॉ.बाबासाहेब आंबेडकराचं प्रबुद्ध भारत या व अॅड. प्रकाश आंबेडकर संपादक असलेल्या पाक्षिकाचे उपस्थित मान्यवरांच्या उपस्थितीत विमोचन करण्यात आले. त्यानंतर मोताळा तालुक्याच्या बौद्ध बांधवांच्या वतीने देणगी देण्यात आली. त्याचबरोबर अशोकभाऊ सोनोने यांनी या पाक्षीकास एक लाख बुलडाणा नगराध्यक्षा नजमुन्नीसा बेगम यांनी सुध्दा या पाक्षीकास एक लाख रुपयाची देणगी सभेमध्ये जाहीर के ली. या कार्यक्रमामध्ये संपूर्ण नगर परिषद मैदानामध्ये भरगच्च संख्येने नागरिक, महिला व युवक उपस्थित होते. कार्यक्रमादरम्यान मंचावर उपस्थित मान्यवरांना समता सैनिक दलाने मानवंदना दिली. तदनंतर बौद्ध भिक्खूंनी धम्मवंदना घेतली. माजी जिल्हाध्यक्ष अशोकभाऊ सोनोने यांनी दोन महिन्यांमध्ये भारिप बमसच्या कामाला बळकट करण्याकरिता नवीन युवकांना स्थान देऊ, असे अभिवचन दिल्यामुळे सभेतून टाळ्यांचा कडकडाट झाला. कार्यक्रमाचे संचलन जिल्हा सरचिटणीस डॉ.अनिल वानखडे यांनी केले. या सभेकरिता जिल्ह्यातून बौद्ध बांधव हजारोंच्या संख्येने उपस्थित होते. शहर निळे झेडे पताकांनी फुलले होते शहरामध्ये दुपारपासून कृउबासच्या अकोला रोड टिएमसी यार्डाजवळून डॉ.बाबासाहेब आंबेडकरांच्या पुतळ्याची भव्य मिरवणूक काढण्यात आली होती. त्यामध्ये लेझीम पथके समता सैनिक दलाचे सेवक व गीत संगीताच्या ’कसा शोभला असता भीम नोटावर’च्या गीतावर अवघी तरुणाई थिरकत मिरवणुकी निघाल्या होत्या.
बसस्टॅन्ड, न.प. मैदान परिसर येथे भीम सैनिकांकरिता विविध संघटनांच्या वतीने अल्पोहाराचे ठिकठिकाणी वितरण करण्यात आले. सभेच्या स्थळी महापुरुषांचे जीवनावरील व बौद्ध धर्मीय पुस्तकांचे स्टॉल उभारण्यात आले होते. सभेस्थानी निळे झेंडे व भरगच्च अलोट गर्दीने रस्तेही फुलून गेले होते.
