स्मृती शिंदे यांची तुझ्यात जीव रंगला मालिका ठरली सर्वोत्कृष्ट
निर्मितीच्या क्षेत्रात स्मृती शिंदे यांचा प्रवेश 2011 मध्ये झाला. त्यांनी सोबो फिल्म ही निर्मिती संस्था सुरू केली. बोले तो मालामाल, काही जाहिरात फिल्मस मिशन सपने नंतर आता तुझ्यात जीव रंगला मालिकेमधून त्यांनी यश मिळवले आहे. कथानकही अस्सल ग्रामीण ढंगातले आहे. काहीसा विनोदी बाज, कोल्हापुरी पैलवानगिरी यांच्यामुळे ही मालिका रंजक बनली आहे. हार्दिक जोशी (राणा) अक्षया देवधर (अंजली) या व्यक्तिरेखा चर्चेत आहेत. वहिनी चंदा (दिप्ती सोनवणे) व्यक्तिरेखाही लक्ष वेधून घेत आहेत.
कलावंत, व्यक्तिरेखांनी पटकावली सात बक्षिसे ‘उत्सव नात्यांचा नवतारुण्याचा’ अशी संकल्पना घेऊन झी मराठी अवॉर्ड्सचा सोहळा अतिशय रंगतदार पद्धतीने रविवारी पार पडला. त्यात ज्यामध्ये 10 पुरस्कार पटकावत ‘लागिर झालं जी’ने बाजी मारली. त्यापाठोपाठ ‘तुझ्यात जीव रंगला’ मालिकेनेही सात पुरस्कार मिळवत आपला ठसा उमटवला. प्रेक्षकांच्या मतांद्वारे राज्यातील 22 शहरांमधून प्रत्यक्ष, फेसबुक, वेबसाइट, आणि मिस्ड् कॉलद्वारे कल घेण्यात आला. त्यातून पुरस्कार विजेत्यांची निवड झाली.
