पावसाच्या एंट्रीनं भारताची सुवर्णसंधी हुकली!

हैदराबाद, दि. 14, ऑक्टोबर - भारत आणि ऑस्ट्रेलियादरम्यानचा तिसरा टी-20 सामना पावसामुळे रद्द करण्यात आला. त्यामुळे तीन सामन्यांची ही मालिका 1-1 अशी बरोबरीत सुटली. हैदराबादच्या राजीव गांधी आंतरराष्ट्रीय स्टेडियमवर हा सामना खेळवण्यात येणार होता. मात्र पावसामुळे ओल्या झालेल्या आऊटफिल्डवर खेळ होणं शक्य नसल्यानं  हा सामना रद्द करण्यात आला.
या मालिकेतील पहिला सामना भारतानं जिंकला होता तर दुसर्‍या टी-20 मध्ये ऑस्ट्रेलियानं बाजी मारली होती. त्यामुळे दोन्ही संघांना मालिकेत 1-1 अशा बरोबरीत समाधान मानावं लागलं. भारतीय संघाला हा सामना जिंकून 70 वर्षात नवा विक्रम रचण्याची संधी होती. पण पावसाच्या एंट्रीमुळे टीम इंडियाची ही संधी मात्र हुकली.