वांद्रे झोपडपट्टी आग : शब्बीरसह 6 जणांना अटक; 10 फरार
महापालिकेच्या अतिक्रमण विरोधी पथकाकडून गुरुवारी दुपारी अनधिकृत बांधकामांवर कारवाई सुरू होती. त्यावेळी मोहिमेला विरोध म्हणून शब्बीर व त्याच्या साथीदारांनी एका झोपडीत रॉकेल टाकण्यासह सिलिंडरचा नॉब खुला केला. यात शेकडो झोपड्या आगीच्या भक्ष्यस्थानी पडल्या होत्या. या सर्व प्रकारात शब्बीर व अन्य जण दोषी असल्याचे प्राथमिक तपासात समोर येत आहे, अशी माहिती सहपोलीस आयुक्त दीपक देवराज यांनी दिली. यामध्ये शब्बीरचा साथीदार व या घटनेतील मुख्य सलमान हा फरार आहे. शब्बीर विरोधात वि विध पोलीस ठाण्यात गुन्हे दाखल असल्याचेही देवराज यांनी सांगितले.
