अल्पवयीन मुलीवर बलात्कार करणा-या पोलीस उपनिरीक्षकास 10 वर्षाची सक्तमजुरी

उस्मानाबाद, दि. 14, ऑक्टोबर - अल्पवयीन मुलीवर बलात्कार केल्याप्रकरणी पोलीस उपनिरीक्षक प्रेमकुमार बनसोडे यांस 10 वर्षाची सक्तमजुरीची शिक्षा सुनावण्यात आली असून उस्मानाबाद सत्र न्यायालयाने केवळ 14 महिन्यात ही शिक्षा ठोठावली आहे. पुर्वीहि एका बलात्कार प्रकरणी निकाल देताना अशाच प्रकारची स्पीडअप कामगिरी या न्यायालयाने केली होती.
6 ऑगस्ट 2016 रोजी उस्मानाबाद शहरात बनसोडे याने भाड्याने शेजारी राहणा-या अल्पवयीन मुलीवर धमकावून बलात्कार केला होता. मुलीने तिच्या वडिलांना हा प्रकार सांगितल्यानंतर बनसोडेविरूद्ध उस्मानाबाद येथील अनंतनगर पोलिस ठाण्यात गुन्हा दाखल झाला होता. बनसोडेला अटक करण्यात आली होती त्याचे निलंबन झाले होते. नंतर खटला सुरू झाला होता. न्यायालयात जलदगतीने खटला चालवुन ही शिक्षा झाल्याने समाधान व्यक्त होत आहे. शिक्षेबरोबरच बनसोडे याला एक लाख 5 हजार रुपयांचा दंड आकारला आहे.