चांदोली धरणातून पाण्याचा विसर्ग थांबला
शिराळा तालुक्याच्या पश्‍चिम विभागात गत दोन दिवसापासून पावसाने चांगलीच उघडीप दिली आहे. त्यामुळे धरण पाणलोट क्षेत्रातून येणार्या पाण्याची आवक कमी झाली आहे. पाणलोट क्षेत्रातून 1800 क्युसेस पाण्याची आवक होत असून गत 24 तासात केवळ दोन मिलीमीटर पावसाची नोंद झाली आहे. त्यामुळे चांदोली धरणाच्या वक्राकार दरवाजातून होणारा विसर्ग पूर्णपणे बंद करण्यात आला आहे. परंतु जलविद्युत प्रकल्पातून 1560 क्युसेस पाण्याचा विसर्ग वारणा नदीपात्रात सुरू आहे.
