ठाणे, दि. 07 - ठाणे शहरातील कौसा भागातील एका गॅरेजमध्ये स्फोटके आणि शस्त्रास्त्रांचा मोठा साठा जप्त करण्यात आला. या प्रकरणी इस्माइल शेख, अब्दुल्ला शेख महेंद्र नाईक या तिघांना अटक करण्यात आली आहे. या तिघांकडून 10 ते 15 किलो अमोनिअम नाइट्रेट व 9 डेटोनेटर्स जप्त करण्यात आले आहेत. तसेच क्रुड बॉम्ब बनवण्यासाठी वापरले जाणारे साहित्यही या गॅरेजमधून जप्त करण्यात आले आहे. पोलीस या तिघांची कसून चौकशी करत आहे.
