गुरमीत राम रहिम सिंग खटल्याच्या निकालाच्या पार्श्‍वभूमीवर हरियाणाला पोलीस छावणीचे स्वरूप
न्यायालयाचे आदेश येण्याआधीच गुरमीत राम रहिम सिंग यांचे समर्थक पंचकुला परिसरात एकत्र होत आहेत. राज्यात कायदा व सुव्यवस्थेचा प्रश्‍न निर्माण होण्याची शक्यता राज्य सरकारकडून व्यक्त केली जात आहे. यासाठी सरकारी इमारती व शाळा, महाविद्यालयांची सुरक्षा वाढवण्यात आली आहे. कोणत्याही संशयित व्यक्तीची चौकशी करून त्याला तात्काळ अटक करण्याच्या सूचना देण्यात आल्याचे हरियाणाच्या गृह विभागाचे सचिव रामनिवास यांनी सांगितले.
