कोलंबो, दि. 25 - ग्रॅहम फोर्ड यांनी श्रीलंका क्रिकेट संघाच्या प्रशिक्षकपदाचा राजीनामा दिला. त्यांचा कार्यकाळ संपण्याच्या 15 महिनेआधीच त्यांनी राजीनामा दिला असून परस्पर सामंजस्याने त्यांनी हा निर्णय घेतला असल्याची माहिती श्रीलंका क्रिकेट मंडळाचे अध्यक्ष थिलंगा सुमतीपाला यांनी दिली. त्यांनी 2012 ते 2014 आणि त्यानंतर फेब्रुवारी 2016 ते राजीनामा देईपर्यंत दोनदा संघाचे प्रशिक्षकपद भूषवले. संघ व्यवस्थापनाने संघाला केलेल्या सूचनांमुळे संघ कामगिरी व्यवस्थापक असांका गुरूसिन्हा आणि फोर्ड यांच्यात मतभेद होते. त्यामुळे फोर्ड यांनी राजीनामा दिल्याची शक्यता वर्तवण्यात येत आहे.
