नवी दिल्ली, दि. 20 - भारत या वर्षाअखेर रशियाबरोबर संयुक्त लष्करी सराव करणार असून नौदल , हवाई दल व लष्कर अशा तिनही दलाबरोबर त्रिस्तरीय सराव होण्याची शक्यता आहे. भारतीय लष्कर व नौदल रशियाबरोबर स्वतंत्र्य सराव करणार आहे. हवाई दलाने 2014मध्ये रशियन हवाई दलाबरोबर एव्हिया इंद्र सराव केला होता.यापूर्वी भारत व रशियाने इंद्र या नावाने केल्या जाणार्या आपल्या सरावाचे आठ टप्पे पूर्ण केले असून रशियातील व्लॅडिवॉस्टॉक या डोंगराळ प्रदेशात हा सराव झाला होता.
