महात्मा फुले यांच्या विचाराची समाजाला गरज
महात्मा ज्योतिबा फुले यांच्या जयंतीनिमित्त श्री सावताश्रम शिक्षण संस्थेच्या महात्मा फुले विद्या मंदिरच्यावतीने माळीवाडा येथील महात्मा फुले यांच्या पुतळ्यास पुष्पहार अर्पण करुन अभिवादन करण्यात आले. याप्रसंगी चेअरमन नगरसेवक बाळासाहेब बोराटे, राज्य छत्रपती पुरस्कार विजेते प्रा.रंगनाथ डागवाले, परेश लोखंडे, रावसाहेब काकडे, संजय चौरे, अनिल शिंदे, घोलप, खराडे, गोटीपामुल, चौधरी आदिंसह मुख्याध्यापक व शिक्षक शिक्षिका आदि उपस्थित होते. यावेळी पुढे बोलताना श्री.बोराटे म्हणाले की, महात्मा फुले यांनी केवळ स्त्री शिक्षणाचा पायाच रचला नाही, तर स्त्रीयांवर होणारे अन्याय अत्याचार थांबविण्याचे प्रयत्न केले. सती प्रथा, बाल विवाह, भ्रुण हत्या अशा अनेक प्रथा समाजात रुढ होत्या त्या नष्ट होण्यासाठी प्रयत्न केले. समाजाचे प्रबोधन आणि दलित मुक्तीचा प्रचार हे फुले यांच्या चळवळीचे प्रमुख अंग होते. अशा थोर विचारवंत महात्मा फुले यांच्या विचारांची आज समाजाला गरज असल्याचे त्यांनी यावेळी सांगितले. महात्मा फुले जयंतीनिमित्त घेण्यात आलेल्या स्पर्धेचे बोराटे यांच्या हस्ते पारितोषिक वितरण करण्यात आले.
