मियामी (फ्लोरिडा), दि. 2 - जपानचा निशिकोरी येथे सुरु असलेल्या मियामी ओपन टेनिस स्पर्धेच्या उपांत्य फेरीत पोहोचले आहे. स्पर्धेचा सहावा मानांकित खेळाडू निशिकोरीने गुरुवारी खेळल्या गेलेल्या उपांत्यपूर्व फेरीत फ्रान्सच्या गेल मोनफिल्सला 4-6, 6-3, 7-6 (7-3) ने पराभूत केले. शनिवारी होणार्या उपांत्यफेरीच्या सामन्यात निशिकोरीचा सामना कॅनडाच्या मिलोस राओनिक किंवा ऑस्ट्रेलियाच्या निक किर्गियोसविरुद्ध होवू शकतो. शुक्रवारी दुसर्या एका उपांत्य फेरीच्या सामन्यात सर्बियाच्या नोवाक जोकोविकचा सामना बेल्जियमच्या डेविड गॉफिनविरुद्ध होईल.
