कविश्‍वर जयंतीनिमित्त सोमवारी धार्मिक कार्यक्रम
नाशिक/प्रतिनिधी। 28 - दत्त संप्रदायातील विद्यावाचस्पती श्री दत्त महाराज कविश्‍वर यांच्या 106 व्या जयंतीनिमित्ताने सोमवारी विविध धार्मिक कार्यक्रम आणि जपानुष्ठान आयोजित करण्यात आले आहे. अंबड पोलीस ठाण्याजवळील श्री सत्यम मंगल कार्यालय येथे सकाळपासून विविध धार्मिक कार्यक्रम आयोजित कण्यात आले आहेत.
सकाळी अभिषेक जन्मोत्सव, आरती आणि दत्त बावन्नी सकाळी सात ते सायंकाळी सात वाजेपर्यंत ’दिगंबरा, दिगंबरा, श्रीपाद वल्लभ दिगंबरा या महामंत्राचा सायंकाळी सात वाजेपर्यंत जप होणार आहे. तसेच सकाळी 9 ते 11 श्रीमती सुमतीताई बापट यांचे गजानन विजय ग्रंथावर प्रवचन, दुपारी शोभा भातंबरेकर आणि सहकार्यांची गायन सेवा, सायंकाळी 5 वाजता कल्पेश महाराज यांचे गुरुभक्तीवर प्रवचन, सायंकाळी 6.15 वाजता पं. अविराज तायडे यांची गायन सेवा तर रात्री 7.30 वाजता डॉ. मो. स. गोसावी यांचे प्रवचन आणि रात्री आठ वाजता आरती आदि कार्यक्रम होणार असल्याचे प्रा. जयंत भातंबरेकर यांनी कळविले आहे.