प्रतिकूल परिस्थितीत स्वाभिमानाने कसे जगायचे हे शिवरायांनी शिकवले ः खा. साबळे

पिंपरी, 20 - प्रतिकूल परिस्थितीत स्वाभिमानाने कसे जगायचे हे छत्रपती शिवाजी महाराजांनी शिकवले. एच. ए मधील गेले कित्येक दिवस प्रतिकूल परिस्थितीमध्ये जीवन जगात आहेत. ही परिस्थिती बदलण्यासाठी लवकरच मार्ग निघेल, असे प्रतिपादन खासदार अमर साबळे यांनी केले.

पिंपरी-चिंचवड महापालिका आणि शिवस्मारक प्रतिष्ठानच्या वतीने आयोजित केलेल्या महोत्सवामध्ये खासदार बोलत होते. सुरुवातीला छत्रपती शिवाजी महाराजांच्या जयंतीनिमित्त एच. ए. वसाहतीमधील छत्रपती शिवाजी महाराजांच्या पुतळ्याला खासदार साबळे यांनी पुष्पहार अर्पण केला. यावेळी एच.ए कामगार संघटनेचे सचिव सुनील पाटसकर, नगरसेवक अमिना पानसरे, सद्गुरू कदम आदी उपस्थित होते. खासदार साबळे म्हणाले, एच. ए कंपनीवर गेल्या अनेक वर्षापासून संकट ओढावले आहे. गेल्या अनेक वर्षाचे हे दुखणे संपवण्यासाठी सातत्याने पर्यंत करत आहे. त्यासंदर्भात मंत्र्यानाही भेटलो आहे. त्यावर लवकरच मार्ग निघणार असल्याचे साबळे यांनी यावेळी सांगितले.