निरंकारी सेवादलातर्फे सिव्हील परिसर स्वच्छ

 । प्रतिनिधी । 24 - गुरुपुजा दिवस निमित्त समाजपयोगी उपक्रम म्हणून निरंकारी सेवा दलाच्यावतीने महिला, पुरुष, स्वयंसेवकांनी मंगळवारी सकाळी सिव्हील हॉस्पिटलच्या परिसरात सफाई अभियान राबवून परिसर स्वच्छ केला. 

अभियानाच्या शुभारंभ प्रसंगी महापौर अभिषेक कळमकर, अतिरिक्त आयुक्त वालगुडे,अतिरिक्त जिल्हा शल्यचिकित्सक डॉ.पोटे, नगरसेवक योगिराज गाडे, प्रकल्प अभियंता मेहेत्रे,अनवर शेख, कुमार सारसर, शशिंकात देवकर,जितू गंभीर, तसेच निरंकारी मंडळाचे हरीष खुबचंदानी, मोहनजी गुंडू आदी मान्यवर उपस्थित होते. 

निरंकारी सेवादलाच्या स्वयंसेवकांनी शवविच्छेदन गृह, नेत्रकक्ष,टी.बी.वार्ड, तसेच संपुर्ण परिसर स्वच्छ करुन कचरा गाड्यांमध्ये भरुन दिला. जिल्ह्यातील अनेक ठिकाणी हे अभियान राबविण्यात आले.