खामगाव काँग्रेसचे माजी आमदार दिलीप सानंदांना अटक

बुलडाणा, 01 - बुलडाणा जिल्ह्यातल्या खामगावचे काँग्रेसचे माजी आमदार दिलीप कुमार सानंदा यांना काल रात्री अटक करण्यात आली. त्यांच्या राहत्या घरातून त्यांना अटक केल्याने परिसरात तणावाचे वातावरण निर्माण झाले होते.

नगरपालिकेच्या एका भ्रष्टाचार प्रकरणात त्यांना अटक करण्यात आल्याचे समजते आहे. सानंदा यांना अटक केल्याचे समजताच त्यांच्या समर्थकांनी पोलिस स्टेशनच्या परिसरात गर्दी केली. सानंदा हे काँग्रेसकडून गेली पंधरा वर्ष आमदार राहिले आहेत. त्यामुळे त्यांच्या समर्थकांनी बरीच गर्दी केली

होती. त्यामुळे गर्दीला पांगवण्यासाठी पोलिसांना सौम्य लाठीमारही करावा लागला.