शिवछत्रपती क्रीडा पुरस्कारास अर्ज पाठविण्याचे आवाहन

सातारा, 1 - महाराष्ट्र शासनाच्या क्रीडा विभागामार्फत दरवर्षी शिवछत्रपती राज्य क्रीडा पुरस्कार देण्यात येतो. राज्यातील सर्वोत्कृष्ट खेळाडू, साहसी, अपंग खेळाडूंसह, संघटक/कार्यकर्त्यांना पुरस्कार देण्यात यतो. तसेच क्रीडा मार्गदर्शकांसाठी उत्कृष्ट क्रीडा मार्गदर्शक पुरस्कार, महिला कार्यकर्ते यांच्यासाठी जिजामाता राज्य क्रीडा पुरस्कार व ज्येष्ठ क्रीडा महर्षीकरीता शिवछत्रपती राज्य क्रीडा जीवनगौरव पुरस्कर दिला जातो. सन 2014-15 या वर्षासाठी मान्यताप्राप्त खेळांच्या अधिकृत राज्य संघटनेमार्फत आंतरराष्ट्रीय/राष्ट्रीय स्तरावरील कनिष्ठ व वरिष्ठ गटातील पदक विजेते पुरुष व महिला खेळाडू, साहसी, अपंग खेळाडूंसह, संघटक/कार्यकर्ते, क्रीडा मार्गदर्शकांनी राज्य संघटनेच्या ठराव व शिफारशीसह दि. 3 फेब्रुवारीपर्यंत जिल्हा क्रीडा अधिकारी यांच्या कार्यालयाकडे अर्ज करावेत.