शहर जिल्हा राष्ट्रवादीच्या वतीने दहावीच्या विद्यार्थ्यांना मोफत ऑनलाईन निकाल पहाण्याचा उपक्रम

अहमदनगर (प्रतिनिधी) - दहावी (एसएससी) बोर्डाचा निकाल शुक्रवारी जाहिर झाला असता, शहर जिल्हा राष्ट्रवादी काँग्रेसच्या वतीने चितळेरोड येथील आ.संग्राम जगताप यांच्या संपर्क कार्यालयात दहावीच्या विद्यार्थ्यांना मोफत ऑनलाईन निकाल पहाण्याचा व गुणपत्रिका देण्याचा उपक्रम राबविण्यात आला. तर उत्तीर्ण झालेल्या व विशेष गुणवत्ता प्राप्त केलेल्या विद्यार्थ्यांचा सत्कार करण्यात आला.
यावेळी शहर जिल्हाध्यक्ष प्रा.माणिक विधाते, माजी उपमहापौर दिपक सुळ, मा.नगरसेवक संजय झिंजे, राष्ट्रवादी विद्यार्थी काँग्रेसचे वैभव ढाकणे, सारंग पंधाडे, प्रा.अरविंद शिंदे, रेखा जरे, साधना बोरुडे, मुख्यध्यापक शिवाजी म्हस्के, प्रशांत ढलपे, सिध्दांत बोरा, रोहित शिंदे, गौरव विधाते, अंजली आव्हाड, अक्षय वराट, साहिल गांधी आदिंसह राष्ट्रवादीचे पदाधिकारी व कार्यकर्ते उपस्थित होते.
प्रा.माणिक विधाते म्हणाले की, दहावीचा निकाल उत्तम लागला असून, हा विद्यार्थ्यांच्या शैक्षणिक वाटचालीच्या दृष्टीने महत्त्वाचा टप्पा ठरतो. कमी गुण मिळाले म्हणून दु:खी न होता बारावीसाठी चांगले गुण मिळण्याचा प्रयत्न करावा. तसेच चांगले गुण पडले म्हणून हुरळून न जाता, यापुढील भविष्यातील विविध परिक्षेत गुणवत्ता कायम टिकवावी. आ.संग्राम जगताप यांच्या संकल्पनेतून या उपक्रमाचे आयोजन करण्यात आल्याचे त्यांनी सांगितले.