एटीएफ एशियनमध्ये रूमा, दक्षचा विजय

म्हाळुंगे-बालेवाडीतील शिवछत्रपती क्रीडानगरीत चौदा वर्षांखालील गटाच्या एटीएफ एशियन सीरिज टेनिस स्पर्धेत अव्वल मानांकितांना पराभवाचा धक्का देत रूमा गायकैवारी आणि दक्ष अगरवाल यांनी विजयमिळवला.तर पुण्याच्या मानस धामणेने चौथ्या मानांकित नितीश नल्लूसामीला पराभवाचा धक्का दिला.

मुलांच्या उपांत्यपूर्व लढतीत पाचव्या मानांकित दक्ष अगरवालने अव्वल मानांकित शिवम कदमला ६-३, ६-० असा पराभवाचा धक्का दिला, तर मानस धामणेने चौथ्या मानांकित नितीशवर ७-६ (५), २-६, ६-१ असासनसनाटी विजय नोंदविला. याशिवाय ओमांश सहारीयाने द्वितीय मानांकित कृशांग रघुवंशीला ७-५, ६-३ असा पराभवाचा धक्का दिला. तसेच, तिसऱ्या मानांकित अनर्घ गांगुलीने सहाव्या मानांकित मॅन्युअल जोशवर ६-१, ६-२ अशी मात केली.