ठामपा कर्मचाऱ्याचा अपघाती मृत्यू

ठाणे : प्रतिनिधी ;- दुचाकीवरून कामावर निघालेले सुनील चिले रा. कोपरी, पारशीवाडी ठाणे यांनी रस्त्यावर पंपचर झालेल्या डंपरला मागून धडक दिल्याने जखमी चिले याना खाजगी रुग्णालयात उपचारार्थ दाखल करण्यात आले. उपचारादरम्यान त्यांचा मृत्यू झाला. बुधवारी सकाळी ६-५० वाजण्याच्या सुमारास हि घटना घडली. 
सुनील चिले हे ठाणे महानगर पालिकेत कमला होते. बुधवारी सकाळी ड्युटीवर निघालेले चिले यांनी नकळत नितीन कंपनी जंक्शनजवळ रस्त्यावर पंपचर झालेल्या उभ्या डंपरला मागून धडक दिल्याने गंभीर जखमी झाले. त्यांच्या डोक्याला गंभीर दुखापत झाल्याने उपचारा दरम्यान मृत्यू झाला. त्यांच्यामागे पत्नी,एक मुलगा आणि मुलगी असा परिवार आहे. घटनेनंतर नौपाडा पोलीस ठाण्यात याची नोंद करण्यात आली असून पोलिसांनी डंपर चालका विरोधात गुन्हा दाखल करीत चालकाला अटक करण्यात आली आहे. अधिक तपास नौपाडा पोलीस करीत आहे.