पाकच्या गोळीबारात बीएसएफचा जवान शहीद

श्रीनगर - पाकिस्तानकडून झालेल्या गोळीबारत बीएसएफचा एक जवान शहीद झाला आहे. जम्मू आणि काश्मीरच्या कुपवाडा जिल्ह्यात ही घटना घडली. बीएसएफच्या प्रवक्त्याने यासंदर्भात दिलेली माहिती अशी, की पाकिस्तानी सैनिकांनी सीमेलगत असलेल्या तंगधार भागात मंगळवारी स्नायपरने गोळीबार केला असल्याचे म्हटले आहे. एसके मुरमू, असे शहीद झालेल्या बीएसएफच्या जवानाचे नाव आहे. बीएसएफमध्ये काँस्टेबल पदावर कार्यरत असलेले मुरमू हे सीमा रेषेच्या फॉरवर्ड डिफेन्स लोकेशनवर कार्यरत असताना त्यांना गोळी लागली. यानंतर त्यांना श्रीनगर येथील सैनिकी रुग्णालयात दाखल करण्यात आले होते. येथे मंगळवारी त्यांचा उपचारादरम्यान मृत्यू झाल्याचेही त्यांनी यावेळी सांगितले.