नगरमधून तीन कुख्यात गुन्हेगार ताब्यात
चन्यावर मुंबई, पुण्यासह अन्य जिल्ह्यांत खून, दरोडा, खंडणी आदी गुन्ह्यांतर्गत 14 गुन्हे दाखल आहेत. गेल्या आठ वर्षांपासून पोलीस याच्या शोधात होते. खब-यांकडून मिळालेल्या माहितीनंतर गुन्हे अन्वेषण विभागाचे पोलीस निरीक्षक दिलीप पवार यांनी सापळा रचून नगर-दौंड मार्गावर चन्या व त्याच्या साथीदारांना ताब्यात घेतले. यामध्ये आकाश उर्फ टिप्या अशोक बेग, सागर साहेबराव शिंदे या साथीदारांचा समावेश आहे. या कारवाईत बेग असलेल्या गाडीतून एक गावठी कट्टा, एक जिवंत काडतूस, वेगवेगळ्या कंपन्यांचे 13 मोबाईल, असा एकूण 8 लाख 37 हजार रुपयांचा मुद्देमाल जप्त करण्यात आला. दुस-या एका गाडीतून येणारे अर्जुन खुशाल दाभाडे, लखन प्रकाश माखिजा, सागर काशीनाथ शेटे, रितेश आसाराम काटे, सुधीर काळोखे हे पाच साथीदार फरार झाले.
