सरकारने शेतकर्‍यांच्या तोंडाला पानं पुसली : रघुनाथदादा
सत्तेत आल्यानंतर शेतकर्‍यांचा सातबारा कोरा करु, असं आश्‍वासन या सरकारने दिलं होतं. या सर्वाची जबाबदारी सरकारने घेतली पाहिजे, असे रघुनाथदादा म्हणाले. शिवाय, शेतकर्‍यांना गाजर दाखवलं जात आहे. 90 टक्के शेतकर्‍यांचा सातबारा कोरा होणार, हे खोटं आहे, असा घणाघात त्यांनी केला. शेतकर्‍यांची संपूर्ण कर्जमुक्ती केलीच पाहिजे. राज्याची परिस्थिती आम्हाला माहित आहे. कर्जमुक्ती समाधानकारक नाही. तुटपुंजी मदत शेतकर्‍यांना नको, असंही रघुनाथदादांनी ठणकावलं.
दरम्यान, राज्यातील शेतकर्‍यांचं सरसकट दीड लाख रुपयांपर्यंतचं कर्ज माफ करण्याची घोषणा राज्याचे मुख्यमंत्री देवेंद्र फडणवीस यांनी केली आहे. राज्य मंत्रिमंडळाच्या बैठकीत कर्जमाफीवर ऐतिहासिक निर्णय घेण्यात आला. ‘छत्रपती शिवाजी महाराज कृषी सन्मान योजना’ असं या कर्जमाफीला नाव देण्यात आले आहे.
