पंतप्रधान मोदी अमेरिकेसह तीन देशांच्या दौर्‍यावर रवाना
पंतप्रधान मोदी 26 जूनला राष्ट्रपती डोनाल्ड ट्रम्प यांची भेट घेणार आहेत. अमेरिकेच्या या दौर्‍यात मोदींचा द्विपक्षीय व्यापारात वाढ आणि आर्थिक संबंध मजबूत करण्यावर जोर असेल. दोन्ही नेत्यांची ही पहिलीच बैठक असणार आहे. दरम्यान, अमेरिकेतील काही कंपन्यांचे सीईओ आणि उद्योजक यांना पंतप्रधान मोदी 25 जूनला भेटणार आहेत. यावेळी व्यापार आणि गुंतवणूक यावर त्यांची चर्चा होईल. चार दिवसीय दौर्‍यात मोदी पहिले पोर्तुगाल, नंतर अमेरिका आणि 27 जूनला नेदरलँडला जाणार आहेत.
